2 Heart Touching Assamese Love Story - Assamese Romantic Love Story

২ টা হৃদয়স্পৰ্শী অসমীয়া প্ৰেম কাহিনী । Heart Touching Assamese Love Story । Assamese Romantic Love Story

(১) অন্ধকাৰে আৱৰি ধৰিব খোজা "বিনিতাৰ জীৱন" -


assamese love story
assames love story


দুপৰীয়া ঠিক ২ টা বাজিছে । ৩ টা বজাত টিউচন আছে । গতিকে বিনিতাই পটাপট স্কুলৰ কিতাপখিনি উলিয়াই থৈ টিউচনৰ কিতাপখিনি ভৰাই ল'লে । 

"মা' মোৰ ভাতখিনি বাঢ়া, মই সাউতকে মুখ-হাত বোৰ ধুই আহো, আজি মোৰ  টিউচন আছে নহয়" 

বিনিতা দশম শ্রেণীৰ ছাত্ৰী । ঘৰৰ অৱস্হা বৰ ভাল নহয় । তাইৰ বাপেক তাইৰ ৫ বছৰ বয়স থাকোতে ঢুকাইছে । তেনেই সাধাৰণ এটা ঘৰত মা'কৰ লগত তাই থাকে । পৰিয়াল বুলিবলৈ সিঁহত দুয়োটাই আৰু কোনো নাই । বিনিতা বৰ সহজ-সৰল ছোৱালী । আজিকালিৰ কাৰিকৰী ঢৌৰ বাবে বাঢ়ি অহা মানুহৰ কৃত্তিমতাক তাই ভালকৈ বুজি নাপায় । আৰু নোপোৱাটোৱেই স্বাভাৱিক, যিহেতু তাই টিভি, মোবাইল, কম্পিউটাৰ ইত্যাদি ব্যৱহাৰ কৰিয়েই পোৱা নাই । আনৰ জাক-জমকতাৰ পোহাৰ তাই দূৰৰ পৰাই লক্ষ্য কৰে । কেতিয়াও আধুনিকতাৰ সান্নিধ্য তাই ওচৰৰ পৰা অনুভৱ কৰাৰ সুযোগ পোৱা নাই ।



অইন দিনাৰ নিচিনাকৈ সেইদিনাখনো বিনিতা টিউচনলৈ বুলি ওলাই গল । টিউচন শেষ কৰি ৫ বজাত সদায় তাইৰ লগ-সমনীয়াৰ লগত একেলগে ঘৰলৈ বুলি ওভতে, কিন্ত্ত তাৰ পিছৰচোৱা কিছুদুৰ তাই অকলে যাব লগাত পৰে । সেইদিনাও তাই সেই বাটেৰে অকলে গৈ আছিল । তাই সদায় লক্ষ্য কৰে যে, সেই অংশ বাটৰ কাষতে থকা পান দোকান এখনত এজন ল'ৰা ৰৈ থাকে আৰু তাইলৈ উদ্দেশ্য কৰি কিবা কিবি বোৰ-বোৰকৈ কৈ থাকে । কিন্ত্ত সেইদিনা ল'ৰাজন তাইৰ পিছে পিছে কিছুদুৰ আহিল আৰু হঠাৎ তাইৰ কাষলৈ আহি কলে, "ৰ'বাচোন তোমাৰ লগত মোৰ অলপ কথা আছে" । বিনিতা লগে লগে লাজে ভয়ে (সামান্য কপি কপি) ৰখি কলে, "অ' কি কথা"? ল'ৰাজনে ক'লে, "মোৰ নাম ৰাতুল, মই তোমাক বহুদিনৰে পৰা মনে মনে চাই আছিলো, তোমাক দেখাৰ পিছৰে পৰা মই খাব-শুব নোৱাৰা হলো, মই তোমাক কিজানি ভাল পাই পেলাইছো, তুমি বা কি কোৱা"। বিনিতা এই কথা শুনি যেন দেহত তত্ নোহোৱা হল । তাই কোনো উত্তৰ নিদিয়াকৈ খৰখেদাকে ঘৰলৈ গুছি গল ।

ঘৰলৈ গৈ তাই বহু সময় ধৰি কথাবোৰ মনতে ভাবিব ধৰিলে ।

তাৰ পিছৰ দিনা, বিনিতা আকৌ টিউচন কৰি ওভতি আহি থাকোতে লৰাজনে তাইক আগভেটি লৈ ডাইৰেক্ত তাইৰ হাতত ধৰি সুধিব ধৰিলে, "তুমি কি ভাবিলা পিছে, মোক উত্তৰটো লাগে, মোক আৰু বলিয়া নকৰিবা প্লিজ্" ? 

ল'ৰাজনৰ আচৰণ, ভাৱ-ধাৰাবোৰ দেখি বিনিতাৰ মুখৰ পৰা অজানিতে, "ওঁ" বুলি ওলাই গল । এই কথা শুনি ল'ৰাজনে উৎফুল্লিত হৈ বিনিতাক ঘৰলৈ আগুৱাই থৈ আহিম বুলি কোৱাত তাতো বিনিতাই হয়ভৰ দি পেলালে । তেতিয়া ল'ৰাজনে তাইক সেইদিনা ঘৰত নমাই থৈ আহিল ।

এনেকৈ কিছুদিন যোৱাৰ পিছত বিনিতা আৰু ৰাতুলে ইজনে সিজনক প্ৰায়ে সময় দিবলৈ ধৰিলে । প্ৰায়ে দুয়োজনে বিভিন্ন ঠাইলৈ কেতিয়াবা পাৰ্কত, কেতিয়াবা ৰেষ্টোৰেন্টত, কেতিয়াবা চিনেমা হলত গৈ লগ হব ধৰিলে । বিনিতা একপ্ৰকাৰ ৰাতুলৰ প্ৰেমত বলিয়া হৈ গৈ আছিল ।


assamese love story
assames love story


বিনিতাৰ প্ৰেমৰ গছজোপা ঠন ধৰি উঠিছিলহে -

এদিন ৰাতুলে বিনিতাক ক'লে, আমি আজি পাহাৰলৈ ফুৰিব যাম, তুমি ৩টা বজাত ওলাই আহিবা । 

কথামতে দুয়োজনে ঘৰৰ পৰা কিছু নিলগত থকা এখন পাহাৰলৈ গল । তাতেই বিনিতাৰ জীৱনলৈ নামি আহিল অন্ধকাৰ । তাতেই প্ৰকাশ পালে ৰাতুলৰ আচল চৰিত্ৰ ।

আহ্, তুমি এই চব কি কৰিব খুজিছা ৰাতুল ! মই তোমাক কি ভাবি আছিলো আৰু তুমি কি ওলালা !

ৰাতুলে তাৰ আচল চৰিত্ৰ দেখুৱালে যে, তাৰ প্ৰেম আছিল এক অভিনয় । তাৰ প্ৰেম আছিল অসৎ উদ্দেশ্য চৰিতাৰ্থ কৰা । তাৰ প্ৰেম আছিল শৰীৰৰ ভোক ।

ৰাতুলে যেতিয়া বিনিতাৰ শৰীৰত হাত দিছিল, তেতিয়াই বিনিতাই বুজি উঠিছিল যে, কিবা এটা যেন অতি ভয়ানক হবলৈ গৈ আছে । বিনিতাই নিজকে চম্ভালিবলৈ যত্ন কৰিলে । 

পাহাৰত ৰাতুল আৰু বিনিতা বহি থকা শিলটোৰ ওচৰৰ জাৰণিৰ পিছফালে ৰাতুলৰ ২ জন বন্ধু লুকাই আছিল । সিহঁতৰ লগত আছিল এটা কেমেৰা ।

ৰাতুল আৰু বিনিতাৰ দৃশ্য সেই অসৎ বন্ধু কেইজনে ৰেকৰ্ড কৰিবলৈ চেষ্টা চলাই আছিল । 

বিনিতাৰ অজান আশংকা যেন বাস্তব হবলৈ গৈ আছে । তাই পলকতে চেগ্ বুজি তাৰ পৰা দৌৰি পলাবলৈ ধৰিলে । আগে আগে তাই, পিছে পিছে পিশাচ ৰাতুল আৰু তাৰ পিশাচ বন্ধু কেইজন । 

কিছুদুৰ এনেকৈ দৌৰাৰ পিছত বিনিতাই  এজন পাহাৰত খৰি কাটিবলৈ অহা বয়সিয়াল মানুহ দেখা পালে । তাইৰ উশাহবোৰ খৰ হৈ গৈছে, মুখ খনত পানীৰ অভাৱ অনুভৱ হব ধৰিছে । বয়সিয়াল মানুহজনক দেখাৰ লগে লগে তাই যেন কিছু সকাহ পালে । তাই ততাতৈয়াকৈ মানুহজনৰ ওচৰলৈ গল আৰু চমুকৈ গোটেই কথাখিনি কৈ পেলালে । 

মানুহজনক দেখা পাই সেই ভণ্ড পিশাচ কেইটা সেই ঠাইৰ পৰা পলাই পত্ৰং দিলে । 

জীৱনটো ধোৱাচন্ন হোৱাৰ পৰা বিনিতা কোনোমতে ৰক্ষা পৰিল ।

তাৰ পিছত বয়সিয়াল মানুহজনে বিনিতাক ঘৰত থৈ আহিল আৰু বিনিতাৰ মাকক সকলো বিৱৰি কলে । 

বন্ধুসকল, সকলো জানি শুনিও বিনিতা আৰু তাইৰ মাকৰ সেইখিনি সম্বল নাছিল যে, তেওঁলোকে ভণ্ড পিশাচ কেইটাৰ বিৰুদ্ধে কিবা আইনমতে ব্যৱস্হা লব । আৰু ছোৱালীজনীৰ জীৱন এটা পৰি আছে, তাইৰ ভৱিষৎ জীৱনৰ সন্মানৰ কথা ইত্যাদি ভাবি চিন্তি বিনিতা আৰু বিনিতাৰ মাক মৌন হৈ থাকিল ।

বিনিতা আৰু বিনিতাৰ মাকে এতিয়া বাকি থকা জীৱনৰ মুহূৰ্তবোৰ কেনেকৈ কটাব । তাই এতিয়াৰ পৰা টিউচনলৈ মনত শংকাৰ ভাব লৈ কেনেকৈ যাব । তেওঁলোকে দৈনন্দিন কাম-কাজবোৰ কেনেকৈ চলাই নিব । কিন্ত্ত তেওঁলোকে বাধ্য হৈ ঘৰৰ পৰা ওলাই যাবই লাগিব । তেওঁলোকৰ জীৱনৰ নিৰাপত্তাৰ ক্ষেত্ৰত কি হব । এই প্ৰশ্নবোৰৰ উত্তৰ কোনেও দিব নোৱাৰে ।

গতিকে বন্ধুসকল প্ৰেম, ভালপোৱা, মৰম ইত্যাদিবোৰ বেয়া নহয় । কিন্ত্ত সেই প্ৰেম, ভালপোৱা বা মৰম প্ৰকৃত হয় নে নহয় আগতে পৰীক্ষা কৰি লব লাগে । আৰু তাৰ বাবে সম্বন্ধবোৰত অলপ সময় দিব লাগে, প্ৰেমত বলিয়া বা আবেগৰ বশবৰ্তী হব নালাগে । সকলোৱে বিনিতাৰ দৰে ভাগ্যবান নহবও পাৰে । আৰু সেই ক্ষেত্ৰত কোনোবাৰ জীৱনলৈ চিৰদিনৰ বাবে অভিশাপ নামি আহিব পাৰে ।



[ Pathoksokol, Aami ei Assamese Love Story tor pora kisu sikhya palo .Gotike Bondhusokol, Prem, Bhalpoa, Morom etyadibor beya nohoy. Kintu khei Prem , Bhalpoa ba Morom prokrito hoy ne nohoy agote porikhya kori lobo lage . Aaru tar babe sombondhoborot olop somoy dibo lage .  Premot boliya ba abegor bokhoborti hobo nalage. Sokolu binitar dore bhagyoban nohobou pare . Aaru khei khetrot teor jibonoloi sirodinor babe andhokar nami ahibo pare. ]

অসমীয়া puzzles

(২) জুনুকাৰ সচা প্ৰেমক.....



assamese love story
assames love story


জুনুকা হায়াৰ চেকেণ্ডৰী ২ য় বাৰ্ষিকৰ ছাত্ৰী । সদায় নিজৰ পঢ়াৰ লগতে ৰূপ - সৌন্দৰ্যক প্ৰাধান্য দি ফুৰা বিধৰ ছোৱালী । কলেজত তাইৰ ষ্টাইলৰ এটা নাম আছে । কলেজৰ সকলো লৰা তাইৰ বাবে একপ্ৰকাৰ পাগল টাইপ্ । কিন্ত্ত সেই লৈ তাইৰ কোনো অহংকাৰ ভাব নাছিল । নিজে নিজৰ কামবোৰ সদায় চিকুণতাৰে ঠিকমতে কৰি গৈছিল ।

নতুনকৈ ২ য় বাৰ্ষিকত এডমিচন্ লোৱাৰ পিছত তাই কলেজ ক্ষতি কৰা নাছিল । তাই সদায় কলেজলৈ যোৱাৰ পিছত এজন ল'ৰাই তাইক বহুদিনৰ পৰা ফ'লো কৰি অহাটো এদিন তাই আৱিস্কাৰ কৰিছিল । আৰু নিশ্চিত হৈ লৈছিল যে, ল'ৰাজনে তাইকে ফ'লো কৰি আছে ।

এদিন, ক্লাছ চলি থাকোতে সেই ল'ৰাজন জুনুকা বহি থকা একে শাৰীৰ বেণ্ঞ্চত বহিছিল । জুনুকাই লক্ষ্য কৰিলে যে, ল'ৰাজনে ক্লাছ আৰম্ভ হোৱাৰ পিছৰ পৰাই তাইলৈ একেঠৰে চাই আছে । এটা সময়ত এনে এটা ক্ষণ আহিল য'ত দুয়োজনৰ চকুৱে পৰস্পৰে পৰস্পৰক ভেদ কৰিলে আৰু দুয়োজনৰ দুচকুৰ মিলন ঘটিল । লগে লগে জুনুকাৰ হৃদয়ত যেন কিবা এটা অনুভূতিয়ে খুন্দা মাৰিলে । তাই যেন অকণমান সময়ৰ বাবে কোনো এখন অজান ঠাইলৈ উৰি গুছি গল । 

আন এদিন, কলেজৰ কেণ্টিনত -

জুনুকাৰ ঘৰৰ কাষৰ, তাইৰ লগত একেলগে পঢ়া চানি'ৰ লগত সেই ল'ৰাজন কেণ্টিনখনত বহি আছিল । জুনুকা কেণ্টিনত প্ৰৱেশ কৰাৰ লগে লগে, চানিৰ লগত মুখা-মুখি ।

জুনুকা, ভালনে? , অ' মই চিনাকি কৰি দিব পাহৰিছিলোয়েই, এইয়া ৰাহুল, তুমি দেখিছাই চাগে ক্লাছত , আৰু ৰাহুল, এইয়া জুনুকা । জুনুকা, তোমালোকে অলপ কথা পাতা, মই লাইব্ৰেৰিৰ পৰা আহো ।

তাৰ পিছত জুনুকা আৰু ৰাহুল কেণ্টিনখনত বহি এনেদৰে কথাত মচগুল হৈ থাকোতে সিহতৰ এটা ক্লাছ ক্ষতিয়ে হৈ গল । তাৰ পিছৰ ক্লাছটো কৰি দুয়ো ঘৰলৈ গল ।

গোটেই নিশা, জুনুকাই ৰাহুলৰ মৰমলগাই কোৱা কথা, হাঁহিবোৰ মনতে ভাবি থাকিল । 

ৰাতিপুৱা, শুই উঠি জুনুকাই নিজকে আইনাত চাই প্ৰশ্ন কৰিব ধৰিলে' "মই প্ৰেমত পৰিলো নেকি?" কিছু সময় এনেদৰে থকাৰ পিছত তাই সেই প্ৰশ্নৰ উত্তৰ পাই গল ।

তাৰ পিছত তাই নিজৰ ষ্টাইল বৰ্তাই ৰাখি
 কলেজলৈ বুলি ওলাল । কলেজত আকৌ ৰাহুল আৰু তাই ক্লাছ শেষ হোৱাৰ পিছ মুহূৰ্ততে কথা পতাত মগ্ন হৈ পৰে । সিঁহত দুয়োজনে এনেদৰেই কলেজৰ প্ৰতিটো দিন পাৰ কৰিব ধৰিলে ।

এই পৰ্যায় লাহে লাহে আগুৱাই গৈ সিঁহতে কোনো কোনো ঠাইলৈ ফুৰিবলৈ যোৱা কৰিলে । সিহতৰ দুয়োজনৰ মাজৰ সম্বন্ধৰ বান্ধোন আৰু কটকটীয়া হব ধৰিলে ।

এবছৰ পিছত দুয়োজনে, ২ য় বাৰ্ষিকৰ পৰীক্ষা পাছ কৰিলে । জুনুকাই সেইখন কলেজতে স্নাতকত নাম ভৰ্তি কৰিলে । কিন্ত্ত ৰাহুল সেই কলেজখনৰ পৰা গুছি গৈ অইন কোৰ্চ এটাত নামভৰ্তি কৰিলে । তাৰ পিছতো সিঁহত দুয়োজনে ইজনে সিজনক দেখা-দেখি কৰি থাকিল ।

কিন্ত্ত হঠাৎ এদিন ৰাহুল অন্তৰ্ধান হল । জুনুকাই তাক বিচাৰি উলিয়াবলৈ সকলো ধৰণৰ কাৰ্য্য কৰিও অৱশেষত বিফল হল । জুনুকাই শেষত সিদ্ধান্ত ল'লে যে, তাই ৰাহুলৰ ঘৰলৈ যাব, "কিয় সি মোৰ লগত এনে কৰিলে?" সেই প্ৰশ্নৰ উত্তৰ বিচাৰি ।

সেইমতে এদিন জুনুকা গৈ ৰাহুলৰ ঘৰত উপস্হিত হল । ৰাহুলে জুনুকাক দেখাৰ লগে লগে অচিনাকীৰ ভাও ধৰিলে । "তোমাক মই চিনি নাপাওঁ, তোমাৰ লগত মোৰ কোনো কথা নাই" বুলি কোৱাত জুনুকা গুছি আহিল ।

তাৰ পিছৰ দিনা হঠাৎ জুনুকাৰ লগত ৰাহুলৰ মুখা-মুখি হল । জুনুকাই তাক আগভেটি ধৰি তাৰ কি হৈছে বুলি সোধাত, সি কলে, তুমি মোৰ ঘৰলৈ অহাৰ দিনা কাষৰ কোঠালিত মোৰ দেউতাই সকলো শুনি আছিল, সেয়ে মই তোমাক সেইদিনা তেনে ব্যৱহাৰ কৰিছিলো । মোৰ উপায় নাছিল, বেয়া নাপাবা ।

জুনুকাই বিশেষ একো নাভাবি ৰাহুলক ক্ষমা কৰি দিলে । 

তাৰ পিছত দুয়োজনে আগৰ নিচিনাকৈ আকৌ লগ হব ধৰিলে । দুয়োজনে বিভিন্ন ঠাইলৈ গৈ ফুৰিব ধৰিলে । এনেদৰে কিছুদিন দুয়োজনে একেলগে ঘূৰি ফুৰাৰ পিছত, এদিন জুনুকাই ৰাহুলক ফোন কৰি কৰি নোপোৱাত জুনুকাৰ মূৰত আৰু অজান চিন্তাই বাহ ললে । আগৰ বাৰৰ নিচিনাকৈ এইবাৰো ৰাহুল অন্তৰ্ধান হল । ৰাহুলক বিচাৰ উলিওৱাৰ বাবে সকলো ধৰণৰ চেষ্টা কৰিও জুনুকা অৱশেষত বিফল হল । শেষত তাই, তাইৰ ঘৰৰ ওচৰৰে চানি'ক লগ ধৰি কথাবোৰ ভাঙি পাতি কলে । চানি'য়ে কথাবোৰ শুনি অলপ আচৰিত হৈ কলে, "তোমালোকৰ প্ৰেম ইমানদুৰলৈ গুছি গৈছে অথচ মই গমেই নেপাওনে"? আচ্ছা, এতিয়া তুমি যোৱা, মইয়ে কিবা এটা কৰিব লাগিব ।



assamese love story
assames love story


চানি'ৰ মগজে কাম নকৰা হৈ গল যেতিয়া সি ৰাহুলৰ বিষয়ে নজনা কথা কিছুমান জানিবলৈ পালে । ৰাহুল দেখিবলৈ বগা আৰু সহজ-সৰল যেন হলেও, তাৰ মন, চৰিত্ৰ কিন্ত্ত নিকা নহয় । সি মনে মনে নিষিদ্ধ নিচা গ্ৰহণ কৰে । আৰু লগতে তাৰ আন কিছু ছোৱালীৰ লগতো সম্বন্ধ আছে । আৰু সকলোতকে ডাঙৰ কথাটো হল যে, জুনুকাৰ আগত সেইবোৰ লুকাই ৰাখিব পৰাতো ।

জুনুকাৰ ফালৰ পৰা ৰাহুললৈ থকা যি প্ৰেম, সেই প্ৰেম আছিল প্ৰকৃত । কিন্ত্ত ৰাহুলৰ ফালৰ পৰা জুনুকালৈ থকা প্ৰেম আছিল শাৰীৰিক আৰু তাৎক্ষণিক আনন্দৰ বাবে । আৰু সম্পূৰ্ণ নাটকীয়তাৰে এই সকলো কথাৰ পৰা  জুনুকাক অজ্ঞ কৰি ৰখা হৈছিল ।

ৰাহুলৰ প্ৰতি থকা জুনুকাৰ উৎসুকতা দেখিয়েই চানি'য়ে জানিছিল যে, ৰাহুলৰ প্ৰতি থকা তাইৰ প্ৰেম কিমান গভীৰ । চানি'য়ে ৰাহুলৰ জীৱন সম্পৰ্কে সত্যতা জনাৰ পিছত, জুনুকাক এই বিষয়ে কেনেকৈ অৱগত কৰাতো ভাল হব । সেই কথা ভাবি ভাবি চানিৰ তত্ হেৰাই যোৱা পৰিস্হিতিৰ উদ্ভৱ হল । জুনুকাই এই কথাবোৰ জনাৰ পিছত তাইৰ কোমল হৃদয়খন যে জ্বলি চাৰ-খাৰ্ হৈ যাব । আৰু জুনুকা সহজ-সৰল খুব ভাল এজনী ছোৱালী, সেয়ে জুনুকাৰ তেনে হোৱাতো চানি'য়ে কেতিয়াও নিবিচাৰে ।

বন্ধুসকল, যিকোনো নতুন প্ৰেম, ভালপোৱাৰ সম্পৰ্ক গঢ়ি উঠাৰ পিছত সেই সম্বন্ধৰ ওচৰে-পাজৰে থকা সকলো দিশ লাহে লাহে চালি-জাৰি চাই অধ্যয়ণ কৰি ভালদৰে বুজি লৈহে তাৰ পিছৰ পদক্ষেপ লোৱাতো উচিত । 



[ Bondhusokol, Jikono notun Prem, Bhalpoar somporko gorhi uthar pisot khei sombondhor osore-pajore thoka sokolo dikh lahe lahe sali jari sai adhyoyon kori bhaldore  buji loihe tar pisor podokhep lowato usit ]

ওপৰোক্ত "Binita'r Jibon" Assamese Love Story টোত বিনিতাই এতিয়া কি কৰা উচিত হব?

আৰু 

"Junuka And Rahul" Assamese Love Story টোত চানি'য়ে কেনেদৰে আগবঢ়াতো উচিত বুলি আপোনালোকে ভাবে?

সেই বিষয়ে এই Post ৰ তলত থকা Comment Section লৈ গৈ আপোনালোকৰ মন্তব্য সমূহ আগবঢ়াবচোন ।


অসমীয়া puzzles


(Facebook ত LIKE আৰু SHARE কৰিব)




Comments

Assamese Jokes And More -

Assamese Love Photo - 10 Assamese Love Quotes

Assamese Jokes Photo - 8 Assamese Whatsapp Image Joke

Assamese Sms In Love - Assamese Love Status

Whatsapp Status in Assamese Language - ৫৩ টা অসমীয়া whatsapp status

Assamese Love Quotes - প্ৰেমৰ উক্তি অসমীয়াত

8 Cute Quotes - Sweet Love Quotes- - in Assamese

Fun Fun - Funny Images - in Assamese

Assamese Quotes on Life - Assamese Facebook status for Life

Assamese Happy Birth Day Wishes । Birthday Sms in Assamese Language

Some Assamese Quotes On Life with Images and Shayari in Assamese